هنتكلم النهارده عن اشهر 10 طرق من الانترفيوهات ومعناها
الانترفيو الهاتفي (Phone Interview)📞
وده بيتم عن طريق التليفون وده مهم جدا لان ممكن ببساطه من طريقتك في الرد علي الاسئله وتحديد الميعاد يتم اختيارك او استبعادك .
المقابله الشخصيه /وجها لوجه (Face to face/Traditional Interview)
ده بيكون واحد قاعد قدامك بيسالك شويه اسئله وده عاده بيبقي في الشركات الصغيره او بيكون المقابله الاولي (First Interview)والنوع ده ناجح جدا ومنتشر بشكل كبير.
مقابله اللجنه (Panel Interview)
وده بتقابل فيه اكثر من شخص وكل واحد فيهم في منصب مختلف, بتتسال من كل واحد سوال مختلف فلازم نتفق انك لازم تكون مركز جدا وصوتك وحركه جسمك تكون واضحه (Body Language)لانك هتلاقي كل واحد بيسالك سوال مختلف وممكن تلاقي واحد منهم ساكت مبيسالش وده عاده بيبقي اهم واحد قاعد يتفرج ويحلل شخصيتك واجاباتك
(الانترفيو ده بيبقي صعب ولازم تحضرله كويس).
المقابله الجماعيه (Group Interview)
ده عكس الPanel بتكون انت واكثر من شخص بيتعملكوا انترفيو من شخص واحد في نفس الوقت وعاده بيكون نفس السوال للكل ,في الانترفيو ده حاول تكون مميز وبلاش تكون مكرر زي اجابات الي معاك .
المقابله الفنيه(Technical interview)
ده النوع الي بيحتاج خبره في مهنه معينه زي مثلا (الديزاينر -الصيدلي -المحاسب) وده بيكون اسئله فنيه او مهمه(Task) وبتفذها علي ارض الواقع قدامه.
ودي مواضع ممكن تهمك:
المقابله السلوكيه(Behavioral interview)
نوع ده بتتسال عن مواقف حصلت زمان علشان نعرف هتعمل اي دلوقتي وبيكون زي مقياس للمواقف المشابهه .
فيديو انترفيو (Video Interview )
النواع ده بيبقي لو ربنا كرمك بشركه مالتيناشونال ليها فروع بره مصر او شركه في اوروبا او اي مكان بره بلدك,الطبيعي ان الشركه مش هتسفرك علشان تعمل معاك انترفيو وبيكون مثلا عن طريق Skype او اي برنامج فيه فيديو ,في شويه ملاحظات تخلي بالك منها
*الانترنت لازم يكون سريع مش بيهنج .
*لو في البيت لازم يكون فاضي او تبقي منعزل عنها علشان تركز ومحدش يقاطعك.
*لازم تكون لابس فورمال لبسك كله (مش الجذء الي فوق بس).
*لو عندك مايك يبقي ممتاز علشان صوتك يبقي واضح .
انترفيو الوجبه(Meal Interview)
ده عاده بيكون مع الHR وحد كبير في الشركه زي المدير التنفيذي(CEO) بيكون في نقاش حوالين الشغل والنواع ده بيكون للخبرات الكبيره جدا مثلا (20 سنه خبره ).
انترفيو التجربه العمليه(Work Sample interview)
النوع ده بينزلك علي ارض الواقع تتعامل زي مثلا مدرب الفيتنس(Fitness Trainer) توريه ازاي التمرينه ده بتتعمل ازاي,النوع ده خليك جاهز وعارف مهام وظيفتك لانك هتتسال علي اي حاجه تخصها وهتعملها.
مقابله العرض التقديمي(Presentation interview)
النوع ده بيكون شرح لمشروع او تدريب هيقدمه وبناء علي الDemo الي بيعمله بيتم الحكم عليه سواء عنده المهارات ولا لأ.
ودي مواضع ممكن تهمك:
خطوات عمل السيره الذاتيه من الالف الى الياء